Сырым ауданы Сарой ауылдық округінің Шағырлой ауылынан шыққан азаматтар ауылға спорт алаңын салып берді.
Сарой ауылдық округінің әкімі Айбол Жакиевтің айтуынша, спорт алаңы жеке кәсіпкерлер және 1964-1987 жылғы аралығындағы түлектердің демеушілігімен салынған. Жоба құны 7 млн. теңге. Ашылу салтанатында Айбол Каримоллаұлы ауыл тұрғындарына қуаныш сыйлаған жомарт жандарды марапаттап, алғысын жаудырды.
Ауылдық округтің орталығы Шағырлой ауылын абаттандыру аясында балабақшаға ойын алаңын салу, ауылға кіреберіс белгі орнату және саябақ салу жоспарланған.
Айжан АМАНГЕЛДИНА,
Сырым ауданы
