Еліміздің тыныштығын күзететін шекарашылар қызметі аса жауапты. Қай уақытта да қырағылық пен төзімділікті өн бойларына серік еткен шекарашылар мейрамы бүгінде ауданымызда аталып өтті. Биыл ел аумағындағы шекара қызметіне 30 жыл толып отыр.
Егеменді еліміздің беріктігін сырт көздің сұғынан, дұшпанның қаскөй әрекетінен қорғап келе жатқан шекарашыларға арналған салтанатты шара аудандық мәдениет үйінде өтті. Маңызы жоғары жиынға келген шекарашыларды аудан әкімінің міндетін уақытша атқарушы Д.Абдрашитов құттықтай келе, аудан әкімінің атынан Алғыс хаттарды жұмыстарына адал жандарға құрметпен табыс етті. Сонымен қатар, осы жауапты қызметке өз салалары бойынша үлес қосып жүрген аудандағы бірқатар мекемелердің басшылары да марапатталды.
Әсем әнмен көркемделген шарада жауапты қызмет иелеріне деген шынайы құрмет көрініс тауып тұрды.
Н.Айқын,
Шыңғырлау ауданы
zhaikpress.kz
20.11.2022, 13:48
26.09.2022, 11:01
22.09.2022, 18:00
29.04.2022, 11:30
