Шыңғырлау ауданық орталықтандырылған кітапхана жүйесінің ұжымы жұмысқа қазақтың ұлттық киімдерін киіп келіп жүр.
Бұл көрініс көрген адамға керемет әсер қалдырады. Рухани байлық, асыл мұраның ошағы, кітапхана қызметкерлерінің қазақы стильде киініп жүргені оқырманды тәнті етіп, өзге мекеме ұжымдарына үлгі болды.
Ұлттық мерекеміз «әз Наурызға» ертерек қамданып, халыққа мерекелік көңіл-күй сыйлап жүрген ұжымға сүйсіне қарадық.
- Әр елдің ұлттық құндылығы өзіне қымбат. «Ең әдемі киім - ұлтыңның киімі» деген сөз бар. Әлемде әр түрлі халық пен мәдениет бар. Бір ұлтты басқа ұлттан өзгешелеп тұратын басты дүниенің бірі - ұлтық киімі. Қазақтың ұлттық киімдері – халқымыздың бет-бейнесі. Осы байлығымызды дәріптеу - біздің парызымыз. Қазақтың ұл-қыздары ұлттық киімімен ерекшеленіп, ата-баба салт-дәстүрін әрі карай жалғастыра берсін демекпіз! - дейді кітапхана директоры Гүлмира Макарқызы.
Гүлжазира Асу,
Шыңғырлау ауданы
zhaikpress.kz
