Бүгін Сырым аудандық орталық мешітінде балаларға арналған қысқы сауат ашу лагері аяқталды.
Бір апта бойы 8 шәкірт ұстаздардан Құран үйреніп, ата-ананы қадірлеу, Отанды сүю, елге еңбек ету жөнінде тәрбие сабақтарын алды.
-Мешіт жанынан сауат ашу лагерін екінші мәрте ұйымдастырып отырмыз. Мақсатымыз – балалардың бос уақытын тиімді пайдалану әрі бойына ислами құндылықтар мен ұлттық рухты жинаған жастардың тәрбиесіне үлес қосу. Себебі біздің ұлттық салт-дәстүріміздің діңгегі – дін. Шәкірттер алғыр. Олардың білім алуға, шариғат үйренуге деген ынталары қуантады,- дейді мешіттің бас имамы Әділхан Наурызбай.
Лагерь қатысушыларының барлығына сертификат, ал белсенді шәкірттерге арнайы сыйлықтар тапсырылды.
Бауыржан Ширмединұлы
Сырым ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
