Сырым ауданы орталығындағы Жымпитыға кіре берістегі Алашорда көшесінде музейдің жаңа ғимаратын реконструкциялау жұмысы жүргізілуде.
Жымпитыға жұмыс сапарымен келген облыстық тарихи-өлкетану музейінің директоры Мирболат Ерсаев пен аудан әкімі Төлеген Төреғалиев, аудандық тарихи-өлкетану музейінің меңгерушісі Айнагүл Ойшыбаева арнайы барып реконструкциялау жұмысының барысымен танысты.
Құны 179 млн теңге көлеміндегі жоба мердігері - "Компания Строй Индустрия" ЖШС.
Аталмыш мердігер компанияның облыстық филиал директорының орынбасары Тимур Бекетовтың айтуынша, шілдеде басталған жобаны қыркүйек айының соңында аяқтау жоспарда тұрса, қазір жұмыстың 25 пайызы жасалған. Жергілікті 30 жұмысшы қарқынды еңбек етуде.
Айжан Бауыржанқызы
Сырым ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
