Батыс Қазақстан облысының әкімі Нариман Төреғалиев халықаралық маңызы бар KAZ10 «Ақтөбе – Орал – РФ шекарасы (Сырым өткізу пункті)» автокөлік жолының Сырым ауданы аумағындағы жөндеу жұмыстарының барысымен танысты.
Фото: БҚО әкімдігінің баспасөз қызметі
Аталған жолдың 369-408 шақырым аралығы Сырым ауданы аумағымен өтеді. Бұл бағыт — аудан тұрғындары үшін стратегиялық маңызы бар күре жолдардың бірі. Күн сайын мыңдаған көлік қатынайтын трасса өңірдегі кәсіпкерлік, тасымал және тұрғындардың тұрмыс-тіршілігі үшін маңызды рөл атқарады.
Жобаға сәйкес, жолдың аталған бөлігінде орташа жөндеу жұмыстары жүргізіледі. Мердігер ұйым — «ТОБИ» ЖШС. Тапсырыс беруші — «ҚазАвтоЖол» ұлттық компаниясы» АҚ-ның Батыс Қазақстан облыстық филиалы.
Жобаның жалпы құны 6,8 миллиард теңгені құрайды. Құрылыс жұмыстары 2026 жылдың сәуір айында басталып, осы жылдың қазан айында пайдалануға беру жоспарланған.
Бауыржан Ширмединұлы,
Сырым ауданы
