16.03.2024, 21:18
Оқылды: 0

Тасқалада Мәдениет және ұлттық салт-дәстүр күніне орай байқау өтті

Биылғы жылы Ұлыстың Ұлы күнін тойлауға арналған Наурызнама онкүндігі жарияланды. Әр күн белгілі бір тақырыпқа арналып, терең мазмұн-мәнге ие болды. Бүгін 16 наурыз – Мәдениет және ұлттық салт-дәстүр күні ретінде аталып өтілуде.

IMG-20240314-WA0145

Ата, әке және баланың арасындағы ұрпақтар сабақтастығын жалғастыру, отбасындағы ата өсиетін тыңдап өскен әке рөлін көрсету, ұлттық құндылықтарымызды тәрбие негіздеріне ала отырып қайта жаңғырту мақсатында 14 наурызда аудандық мәдениет үйінде «Әкеден қалған өсиет» атты байқау өтті.

IMG-20240314-WA0132

Байқауда әр ауылдық округтен атасы, әкесі және ұлынан құрылған топтар бақтарын сынады.

IMG-20240314-WA0114

Шараның ашылу салтанатына қатысқан аудан әкімі Талғат Асқарұлы байқауға қатысушылары мен жиналған қауымды Амал мерекесімен құттықтады. Аудан басшысы өз сөзінде ұлттық құндылықтарымызды дәріптеудің мәселесіне тоқталып өтіп, ұлттық тәрбиенің маңыздылығы туралы айтып өтті.

IMG-20240314-WA0144

Байқау төрт кезеңге бөлінді. Алғашқы кезеңде қатысушылар жеті атасын айтып көрікті оймен өздерін таныстырса, одан кейінгі кезеңдерде ат-әбзелдерін жасау, салт-дәстүрімізге қатысты сұрақтарға жауап беріп, соңғы кезеңде өнерлерін паш етті.

IMG-20240314-WA0138

Әділқазылар алқасының шешімімен байқау қорытындысы бойынша жүлделі I орынды тасқалалық Юсуповтар отбасы иеленіп, II орынға мерекелік Балғазиевтер отбасы, ал III орынға амангелділік Алдабергеновтар отбасы қол жеткізді.

IMG-20240314-WA0174

IMG-20240314-WA0176

IMG-20240314-WA0155

Өзге отбасылар байқау дипломанттары атанып, алғысхаттармен марапатталды.

IMG-20240314-WA0172

Болат Бек,

Тасқала ауданы

Узнайте первым о важных новостях Западного Казахстана на нашей странице
в Instagram и нашем Telegram - канале