Жақында Жаңақала ауданының қайта құрылғанына 50 жыл толуына және халықаралық жастар күніне орай «Жастар ресрустық орталығының барысы» атты турнир өткізілді.
Жаңақала аудандық жастармен жұмыс жөніндегі ресурстық орталығының ұйымдастыруымен өткен турнирге облыстық, қалалық және аудандық ЖРО мамандары 70, +70 келі салмақ дәрежесінде боз кілем үстінде бақ сынасты.
Байрақты бәсекеге бұған дейін де Шыңғырлау ауданының намысын түрлі жарыстарда қорғап келе жатқан, болашағынан мол үміт күттіретін балуан Теміржан Тасқалиевті аудандық жастармен жұмыс жөніндегі ресурстық орталығының жетекшісі Нұрлыбек Қайырбекұлы үлкен сеніммен апарған болатын.
Күн сайынғы жаттығулардың нәтижесін көрсетіп, әрі осы күні асығы алшысынан түскен Теміржан айла мен әдісті ұштастырып, +70 кг салмақ дәрежесінде I орынды әділдікпен жеңіп алды. «Турнир жеңімпазы» белбеуіне ие болған жерлесімізге сонымен қатар ақшалай сертификат, марапаттар табысталды.
Н.Айқын,
Шыңғырлау ауданы,
zhaikpress.kz
20.09.2023, 21:33
20.05.2023, 19:13
28.02.2023, 15:00
15.12.2022, 13:00
