«AMANAT» партиясының «Бақытты отбасы» жобасы аясында, партияның Теректі аудандық филиалы «Балалар үшін қауіпсіз және жайлы инфрақұрылым» акциясын өткізді.
Акцияға партиялық бақылау комиссияның мүшелері мен Теректі аудандық төтенше жағдайлар бөлімінің аға анықтаушысы, азаматтық қорғау аға лейтенанты Жастілек Дулатов пен Мәскеу қаласындағы өрт сөндіру академиясының қатардағы қорғау жасағының курсанты Аңсар Жұмабаев қатысты.
Акция барысында, ашық әрі қауіпті жағдайда тұрған кәріз құдықтары анықталды. Атап айтар болсақ, балалар көп жүретін аймақтар Федоровка жалпы орта білім беретін мектебі мен №1 мектебінің бойындағы кәріз құдықтар ашық тұр. Оған қоса, Достық, Орталық, Абай көшелерінде беті ашық, іші қоқысқа толған кәріз құдықтарының қақпағы сынып жатқаны анықталды.
Тексеріс барысында анықталған мәселелерді шешу мақсатында комиссия мүшелері, жауапты сала мамандарына сауал жолдайтынын жеткізді.
Балнұр Қанаева,
Теректі ауданы
zhaikpress.kz
