28.12.2021, 21:02
Оқылды: 683

«Үздік ауыл» атанған Ақжайыққа «Газель» көлігі берілді

ҚР Тәуелсіздігінің 30 жылдық мерейтойында ұйымдастырылған «Үздік аула» және «Үздік ауыл» байқауы өз мәресіне жетті.

WhatsApp Image 2021-12-28 at 20.50.12 (11)

Бүгін аудандық мәдениет үйінде өткен қорытынды кешке жиналғандар ең алдымен көрмені тамашалады. Мұнда қатысушылардың бақша мен сүт өнімдері қойылды.

WhatsApp Image 2021-12-28 at 20.50.12 (6)

Айта кетейік, бұл жобаны әу баста ауданымыздың экс-әкімі Арман Өтеғұлов бастаған еді. Қазіргі таңда БҚО әкімінің бірінші орынбасары қызметін атқарып жүрген Арман Кәрімұлы шараға арнайы келді.

— Бір аула түзелсе, қалғандары оған қарап бой түзеп, соңында түгел ел тазалыққа бет бұрары хақ. Ауыл тұрғындары өз ауласындағы тазалық пен әсемдікті естен шығармаса, үздіктер қатары көбейері анық.

Аталмыш жоба одан әрі қарай жалғасын табады деген ойдамын, — деді А.Өтеғұлов.

WhatsApp Image 2021-12-28 at 20.50.12 (7)

WhatsApp Image 2021-12-28 at 20.50.12 (8)

Жалпы, жобаға 48 тұрғын үй қатысқан.

Кеш барысында БҚО әкімінің бірінші орынбасары Арман Өтеғұлов пен аудан әкімі Тілек Габдушев «жүзден жүйрік, мыңнан тұлпарды» марапаттады. Тінін тарқаталық, ынталандыру сыйлығына Рахимовтар (Федровка а.о), Әлібековтер (Ұзынкөл а.о), Сайфуллиндер жанұясы (Богдановка а.о) ие болды.

WhatsApp Image 2021-12-28 at 20.50.12 (2)

WhatsApp Image 2021-12-28 at 20.50.12 (4)

Ал 15 аула «Үздік аула» иесі деп танылды. Оларға алғыс хат пен бағалы сыйлықтар табысталды.

WhatsApp Image 2021-12-28 at 20.50.12 (1)

WhatsApp Image 2021-12-28 at 20.50.12

Сонымен қатар Ақжайық ауылы «Үздік ауыл» атанып, «Газель» темір тұлпарын мінді.

Балнұр Қуанышқызы,

Теректі ауданы,

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале