Жуырда Батыс Қазақстан облыстық мәслихат хатшысы Мәлік Құлшар мен мәслихат аппаратының басшысы Есентай Қалиев жұмыс сапарымен ауданда болды.
Аудан орталығына табан тіреген халық қалаулылары №1 аудандық аурухананың жөндеу жұмыстары және Алма Оразбаева атындағы орта мектебінің құрылыс жұмыстарымен танысып, аталған құрылыс нысандарындағы құрылыс материалдарының сапалылығы мен құрылыс жұмыстарының тиянақтылығына назар аударды.
Жалпақтал ауылында бой көтерер Байқоңыр көшесіндегі 12 пәтерлі екі қабатты тұрғын үй мен дене шынықтыру-сауықтыру кешенінің құрылыс жұмыстарымен де танысып, оң бағасын берді.
Асылбек Байғазиев,
Казталов ауданы
zhaikpress.kz
