«Әділет» партиясының Жаңақала аудандық филиалында аудандық мансап орталығының ұйымдастыруымен мемлекеттік қайтарымсыз грант беру жөніндегі комиссияның отырысы өтті.
Биыл аудан бойынша жалпы саны 8 тұрғынға мемлекеттік грант қарастырылған. Кездесуде осы қолдаудың алғашқы легіне үміткерлердің жобалары қаралды.
Грант алуға барлығы 11 өтініш түскен. Отырысқа бір үміткер келмегендіктен, қалған 10 қатысушы комиссия алдында бизнес-жоспарларын қорғады. Ұсынылған жобалардың ішінде 3 адам мал шаруашылығын, 1 адам құс өсіруді, ал қалғандары тігін, кондитерлік өнімдер мен наубайхана ашу, көлік жөндеу, сүт өңдеу және балмұздақ дайындау кәсібін қолға алуды жоспарлап отыр.
Комиссия мүшелері жобалардың тиімділігін талқылап, қатысушыларға сұрақтар қойды. Грант жеңімпаздары алдағы үш жұмыс күні ішінде анықталады.
Райхан Хамзина,
Жаңақала ауданы
