Бүгін Дүниежүзілік сайлау күніне орай Рухани орталық ғимаратында ашық есік күні өтті.
Жиында аудандық аумақтық сайлау комиссиясының төрағасы Жанболат Бақтыгереев пен аудандық аумақтық сайлау комиссиясының төраға орынбасары Есенболат Еслямов түсіндірме жұмыстарын жүргізіп, Баяндама барысында сайлау жүйесіндегі тәртіп жөнінде сөз қозғалды.
Жиналғандар арасында тұрғындар тарапынан ұсыныс-пікірлер айтылып, талқыға салынды. Соның бірі, мекен-жай мен тізім санын тыңғылықты тексеру болса, енді бірі алдағы уақыттағы сайлау учаскелеріндегі өзгерістер туралы ой тастады.
Азаматтық таңдау жасауға 18 жастан асқан тұрғын дауыс беруге құқылы екенін де ескертті.
Ақерке Ғилымхан,
Жаңақала ауданы
