Орал қаласындағы «Дарын» қосымша білім орталығының ұйымдастыруымен «Бояулар құпиясы» жас суретшілер байқауының облыстық кезеңі қашықтан өткізілді.
Байқауға барлығы 81 оқушы қатысты. Жасөспірімдердің қабілет шыңдау, дарынды балаларды қолдау мақсатында ұйымдастырылған суретшілер сайысында жаңақалалық Зухра Закария (Жаңақала мектеп- гимназиясы) «Бейбітшілік пен мейірімділік біздің қолымызда» номинациясы бойынша үздік деп танылып, І орынды жеңіп алды. «Тірі ғаламшар» номинациясы бойынша Сымбат Досмұхамбетке (Жаңақала мектеп-гимназиясы) алғысхат табыс етілді. Барша қатысушыларға Білім басқармасының сертификаты табыс етіліп, жүлделі жұмыс көрсеткендер республикалық кезеңге жолдама алды.
- Шәкірттің шыңға шығуы – ұстаз еңбегінің жемісі. Бұл байқауда оза шапқан оқушыларыма сәттілік тілеймін. Осындай биік белестерді бағындыру – мен үшін де, өздері үшін де үлкен жетістік!, - дейді жетекшісі Динара Қуанышқалиева.
Ақерке Мәлікқызы,
Жаңақала ауданы
