4.02.2021, 17:09
Оқылды: 54

Жәнібекте инфекциялық және провизорлық бөлімше ашылды

Бүгін Жәнібек ауданы әкімі Азамат Сафималиев тұрғындар алдында есеп беруде. Аудан әкімі өз баяндамасында әлеуметтік салаға, соның ішінде медицинаға да тоқталып өтті.

0326BEFF-9904-44B0-99F1-07C86EFF513D

-Елімізде төтенше жағдай және карантиндік режім енгізілгеннен бері аудан бойынша 255 адам індетке шалдығып, 5 адам дүниеден озды. Аудандық аурухана базасында 25 төсектік инфекциялық бөлімше және 25 төсектік провизорлық бөлімше ашылды. Ағымдағы жылдың 4 ақпан күніне 55 адам вирус жұқтырды. Бүгінде үй карантинінде 14 адам, инфекциялық стационарда 6 адам ем қабылдауда.

Аудан бойынша коронавирус инфекциясының таралуына жол бермеу мақсатында нысандардың санитарлық талаптарын тексеруге 10 мониторингтік топ құрылды. Өткен 2020 жылы тәртіпті бұзған тұрғындардан 2 млн. 201 мың 670 теңге, биыл 218 775 тг. айыппұл өндірілді, - деді аудан басшысы Азамат Сафималиев.

 Г. Мәди,

Жәнібек ауданы

zhaikpress.kz

 

Узнайте первым о важных новостях Западного Казахстана на нашей странице
в Instagram и нашем Telegram - канале