Бүгін аудандық мәдени-демалыс орталығында Қазақстан Республикасының мемлекеттік рәміздер күніне арналған «Желбіре, көк байрағым!» атты концерттік бағдарлама өтті.
Алдымен аталмыш мерекеге орай ҚР Мемлекеттік Туы салтанатты түрде сахна төрінен орын алып, әнұранымыз шырқалды. Одан әрі аудан әкімінің орынбасары Ақнұрлы Еслямғалиева барша жаңақалалықтарды мемлекеттік рәміздер күнімен құттықтап, ізгі лебізін жолдады. Мерекелік концерт әсем әнмен әрленіп, күймен көмкеріліп, бимен безендірілді. Шара аяқталған соң көрермендер мәдени-демалыс орталығының фойесінде аудандық орталықтандырылған кітапхана жүйесінің ұйымдастырған көрмесін тамашалап, көтеріңкі көңіл күймен тарқасты.
Райхан Хамзина,
zhaikpress.kz
