Мемлекет басшысы 2022 жылы мәдениет саласындағы мемлекеттік стипендияны беру туралы Жарлыққа қол қойған болатын.
Мемлекеттік стипендия 31 әдебиет және 37 өнер қайраткеріне тағайындалды. Оның ішінде жерлесіміз, Аңқаты ауылының тумасы, Х. Бөкеева атындағы облыстық қазақ драма театрының актрисасы, Қазақстанның еңбек сіңірген қайраткері Бибігүл Исалиева бар.
Айта кетейік, Бибігүл Мақсотқызы 1985-1987 жылдары Алматы қаласындағы Абай атындағы ұлттық мемлекеттік академиялық опера және балет театры жанындағы вокал-хор театр студиясынан білім алған. 1986 жылы желтоқсан оқиғасына қатысқан. 1987-1992 жылдары Қазақстан мемлекеттік қыздар педагогикалық институтының музыка мұғалімі, вокал класының оқытушысы мамандығын тәмәмдады.
Ал 1993 жылдан бастап Орал шаһарындағы өнер шаңырағында қызмет атқаруда.
Айшабибі Мәмет,
Теректі ауданы
zhaikpress.kz
15.03.2023, 22:21
2.03.2023, 18:38
2.03.2023, 18:28
2.03.2023, 17:45
