Жыл басталғалы теректілік өнерпаздар сан алуан өнер додаларынан жүлдемен оралуда. Солардың қатарында Теректі аудандық «Жұлдыз» үлгілі би ансамблі де бар. Мәселен, Ақтау қаласында өткен «JAS TOLQYN» балаларға арналған байқауында өзгелерден озық болып бас жүлдеге ие болды.
— Аймақтық байқаудың ең бірінші бөлімі наурыз айында онлайн ұйымдастырылған еді, одан еш сүрінбей өттік. Енді күні кеше ғана өткен байқауға Атырау, Ақтау, Ақтөбе, Батыс Қазақстан облысының жас өнерпаздары қатысты. Сайып келгенде, осы жылы желтоқсан айында өтетін Мәскеу қаласындағы халықаралық байқауға жолдамаға қол жеткіздік. Сонымен қатар бишілеріміздің әрқайсысына ұялы телефон беріліп, алғыс хатпен марапаттады, — дейді қуанышты хабарды жеткізген ансамбль жетекшісі Жанар Тайшыбаева.
Әсем билеріңізбен әлемді таңқалдырудан жалықпаңыздар, «Жұлдыздықтар!»
Айшабибі Мәмет,
Теректі ауданы,
zhaikpress.kz
28.09.2023, 16:15
27.09.2023, 15:30
20.09.2023, 18:00
19.09.2023, 12:45
