Бүгінгі «Adal komek» жобасы аясында тікелей эфирге Бәйтерек колледжі директорының міндетін атқарушы Дархан Қажымұратов шықты. Ол 2020-2021 оқу жылының басталуы және оқу процесін қашықтан оқыту жұмыстарын ұйымдастыру барысын атап өтті. 
- Биыл жалпы саны 211 студент болса, олардың 114-і маусым айында қолдарына мемлекеттік үлгідегі дипломдарын алды. Еңбекке орналасуы 81 пайызды құрап отыр. Облыс әкімдігінің қаулысымен бекітілген 2020-2021 оқу жылына арналған мемлекеттік тапсырыс160 студент қабылдау болса, қазір бұл толығымен орындалды. Оқу жылының басында 257 студент білім алуды бастады. Айта кету керек, облыс әкімдігінің 2019 жылғы 22 қарашадағы №208 қаулыға сәйкес Рубежин колледжі мен Бәйтерек колледжі қайта ұйымдастыру арқылы біріктірілген болатын. Осыған орай Рубежин ауылында 112, Переметный ауылында 145 студент білім оқуда. Оқу жылы қашықтықтан басталуына байланысты студенттер онлайн білім алуда. Ол үшін 885 мың теңге көлемінде «IN Craft» ЖШС-мен шартқа отырып, collegesmartnation онлайн платформасында жұмыстанудамыз. Барлық сабақ кестесі, оқу бағдарламалары және кітапхана аталған платформада орналастырылған. Ал өндірістік оқыту мен практикалық сабақтар қараша айынан басталады деп жоспарлануда, - дейді Дархан Тілекбайұлы.
Үстіміздегі жыл атаулы мерекелерге толы екендігі белгілі. Колледж тарапынан бұл мейрамдар елеусіз қалмақ емес. Оның барлығы жоспарға сай онлайн түрінде өткізілмек.
Нұрлыбек Қыдырғалиұлы,
Бәйтерек ауданы
zhaikpress.kz
