Коронавирус жұқпасының таралуын бақылау және жұқтыру ошақтарын уақтылы оқшаулау мақсатында «Saqbol» мобильді қосымшасы іске қосылды.
Аталмыш қосымшаның тиімділігі сол, оның пайдаланушысы коронавирусқа оң нәтиже алса, қосымшаның басқа пайдаланушыларына жасырын түрде ескерту барады. Яғни сол адаммен 14 күн ішінде екі метрден аз қашықтықта және 15 минуттан астам уақыт байланыспау қажеттігі ескертіледі. «Азаматтарға арналған үкімет» мемлекеттік корпорациясы БҚО бойынша филиалының баспасөз хатшысы Мағзура Нұрмұханбетованың айтуынша, «Saqbol» мобильді қосымшасын Google Play (қажетті Android нұсқасы - 6.0 немесе одан кейінгі) мен App Store (қажетті iOS нұсқасы - 13.5 немесе одан кейінгі) қосымшасынан жүктеуге болады және шифрланған деректер берілетін Bluetooth функциясын қосу керек. Мұнда пайдаланушылар үшін Covid-19 белгілерін анықтау қызметі, i-Doctor, i-Teka ресми боттары, сондай-ақ Қазақстан бойынша Covid-19-дың өзекті статистикасы секілді сервистер біріктірілген.
Гүлсезім Бияшева,
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
