Тәуелсіздіктің 30 жылдығына орай Бәйтерек ауданына қарасты Зеленый ауылдық округінде баскетболдан жастар арасында аудандық турнир өтті. Спорттық бәсекеде аудан округтерінің командалары бақ сынады.
Жарыстың ашылу салтанатында Зеленый ауылдық округінің әкімі Ізғали Дәулетов сөз сөйлеп, қазіргідей қиын уақытта салауатты өмір салтын насихаттап, спортшылардың шеберлігін шыңдау өте маңызды екенін айтты. Сондай-ақ Зеленов мектебінің директоры Мерхат Каримгалиұлы, жастармен жұмыс жөніндегі ресурстық орталық басшысы Жанар Ғұбашева, аудандық мәслихат депутаты Ұлданай Сейітқалиева сөз алып, спорттық бәсекелерде бой көрсетіп жүрген спортшы баскетболшыларға сәттілік тілеп, игі тілегін жолдады.
Спорттық бәсекеде ойыншылар бар шеберліктерін салып, тартысты ойын көрсетті.
Қызу да тартысты өткен жарыс қорытындысында І орынды Белес, ІІ орынды Перемётный ауылдық округінің командасы иеленсе, ІІІ орынды Зеленов ауылдық округінің жігіттері қагжығалады. Жеңімпаз бен жүлдегерлер диплом, кубок және бағалы сыйлықтармен марапатталды.
Альбина Бәтенова,
Байтерек ауданы
zhaikpress.kz
