Жуырда Орал қаласында қысқы президенттік көпсайыстан облыс чемпионаты өтті. Өңірдің үздік атлеттерінің басы қосылған байрақты бәсекеде Бәйтерек ауданының спортшылары да бой көрсетті.
Шаңғы тебу, нысана көздеу, күштік гимнастика сияқты спорттың бірнеше түрін қамтыған көпсайыс жарысы қызықты өтті.
Биылғы облыс чемпионаты да тартысты өтті. Бірнеше күнге созылған жарыс қорытындысына тек Бөрлі ауданының командасын алға жіберген бәйтеректік спортшылар жалпыкомандалық есепте екінші орынға тұрақтады. Үшінші орын Орал қаласының командасына бұйырды.
-Ауданда қысқы президенттік көпсайыс спорты жақсы жолға қойылған. Бүгінгі жетістік тынымсыз еңбек пен қажырлы жаттығулардың жемісі. Орын алған спортшылар арасында елішілік додаларда жүлде салып жүргендер де бар. Бұл жеңіс алдағы биік белестердің алғашқы баспалдағы,-дейді «Бәйтерек» спорт клубының басшысы Максим Үмбетқалиев.
Түгелбай Бисен,
Бәйтерек ауданы
zhaikpress.kz
