Сырым ауданы Алғабас ауылдық округінде спорт ардагері, ауыл азаматы Асылбек Қанатовты еске алуға арналған баскетболдан турнир өтті. Турнирді «Қайсар» спорт клубының әдіскері Ғанимат Жұбашев ұйымдастырды.
Шараның ашылу салтанатына ауыл әкімі Өркен Әменов қатысып, марқұм Асылбек Сәбитұлының азаматтық қасиеттеріне тоқталып, жарысқа қатысушыларға сәттілік тіледі.
Сайысқа ауыл спортшыларынан құралған 8 команда қатысып, бақтарын сынады.
Ойын нәтижесі бойынша, І орынды «1991 жылғы түлектер» құрамасы, ІІ орынды «Алғабас», ІІІ орынды «Достар» командалары қанжығалады.
Жеңімпаздар бағалы және қаржылай сыйлықтармен марапатталды.
Еске сала кетсек, Асылбек Сәбитұлының бауырлары мен құрдастары баскетбол турниріне қаржылай демеушілік көрсетті.
Анар Нұрланқызы
Алғабас ауылының тұрғыны,
Сырым ауданы
