Күн сайын құбылып тұрған баға еліміздің қай өңірінде де қарапайым жұртшылықтың қалтасына салмақ салуда.
Осындай негізсіз көтерілген бағаны болдырмау, халықтың күнделікті көп тұтынатын тағам түрлеріне қолжетімділікті бақылап отыру Шыңғырлау ауданында жақсы жолға қойылған. Әсіресе азық-түлік пен тауар бағасына мониторинг жүргізуді «AMANAT» партиясы Шыңғырлау аудандық филиалы жанынан құрылған мониторинг тобы үнемі назарда ұстап келеді. Аталмыш топ аудан орталығы Шыңғырлау ауылындағы дүкендерге бас сұғып, зерделеу жұмыстарын жүргізді.
Топ мүшелері әлеуметтік азық-түлік түрлерінің бағаларын бақылап, дүкен әкімшілеріне тиісті ұсыныстар берді. Жалпы, сауда нысандарында баға өсімі байқалмады. Сондай-ақ, азық-түлік қоры да жеткілікті.
Н.Айқын,
Шыңғырлау ауданы,
zhaikpress.kz
