Бәйтерек ауданы Дариян ауылындағы орыс мектебінің спорт алаңының жанында мұз айдыны ашылды.
Жуырда Дариян орыс тілі мектебінің спорт алаңының жанында ауыл әкімі Тілек Кәкеновтың бастамасымен, «Каверин» жеке кәсіпкерлігінің тікелей атсалысуымен мұз айдыны ашылды. Аталмыш мұз айдынының салтанатты ашылуында тұрғындарды Дариян ауылдық округінің әкімі Тілек Насырұлы құттықтады.
Ол мұз айдынының ашылып отырғандығы ауылдағы жастардың бос уақытын тиімді пайдалануға септігін тигізетіндігін айтты.
- Ата-ана ретінде ұйымдастырушыларға алғысымды білдіргім келеді. Өйткені біз балаларымызды қалаға серуендеуге апарушы едік. Енді ауылымызда мұз айдыны ашылғандығына өте қуаныштымын. Қызым сабақтан кейін мұнда келіп ойнайды. Тұрғындардың алаңсыз демалуына барлық жағдай жасалған, - дейді ауыл тұрғыны Шолпан Мухамбеталиева.
Динара Даумова,
Бәйтерек ауданы
zhaikpress.kz
