Орал қаласында коммуналдық қызмет тәулік бойы күшейтілген режимде қаланы қардан тазарту жұмысын жалғастыруда. Бұл туралы Орал қаласы әкімдігінің instagram парақшасында жазылды.
Қар тазалауға барлығы 81 бірлік арнайы техника мен 360 жұмысшы жұмылдырылған.
Сондай-ақ тротуарлар мен аялдамаларды, тынымбақтарды тазарту, көшелерге құм-тұз қоспасын себу жұмыстары жүргізілуде.
«Қазгидрометтің» мәліметінше, соңғы екі күнде қалаға 2 мм қар түскен.Ведомстваның хабарлауынша, осы апта қалада әлі де жауын-шашын түсу ықтималдығы жоғары.
Фото: Орал қаласы әкімдігінің баспасөз қызметінен
