Оралда жауын-шашынның көп мөлшерде түсуіне байланысты қарды тазарту жұмыстарына коммуналдық қызмет тәулік бойы жұмылдырылуда.
Орал қаласы әкімдігі баспасөз қызметінің мәлімдеуінше, өткен түнде қаладан 2 616 текше метр қар шығарылған. Қазіргі таңда қала көшелерінде тазалау, қыру жұмыстарында 171 арнайы техника жүр.
Қыс мезгілі басталғалы қала көшелерінен 59 756 текше метрден астам қар шығарылды.
Көктайғақты болдырмау мақсатында жолдар, тротуарлар, алаңдар мен аялдамаларға күнделікті құм-тұз қоспасы себілуде.
Орал қаласында кеше жауған қардың мөлшері - 6 мм. Қазгидрометтің мәліметінше, қалаға әлі айлық көрсеткіштен асатын қар түспеген.
Алдағы күндері де қар жауып, ауа райы түнде -7, -12, ал күндіз -5, -10 аралығында аяз болады деп күтілуде.
zhaikpress.kz
