Бүгінгі мереке аясында Казталов ауданының әкімі Рүстем Зұлқашев ауданымыздың энергетика саласында қызмет еткен зейнеткер Мұқанғали Бектілеуовты қабылдады. Қабылдау барысында аудандағы энергетика саласының бүгінгі ахуалы талқыланды.
Жуырда Мұқанғали Бақтығалиұлы ҚР Энергетика министрлігінің «Еңбек ардагері» медаліне ие болған болатын. Бұл марапатты Батыс Қазақстан облысының энергетика және тұрғын үй-коммуналдық шаруашылық басқармасының басшысы Мирас Мүлкәй табыстаған болатын. Бүгін де аудан әкімі еңбек ардагерін арнайы қабылдап, құрмет көрсетіп, аудан халқының атынан алғысын білдірді.
Мұқанғали Бақтығалиұлы 1971 жылы Орал ауыл шаруашылығы техникумын бітіргеннен кейін, кеңшардың МТМ меңгерушісі, инженер – электрик, 1972 жылдың қазан айынан 1983 жылдың маусым айына дейін Казталов аудандық электр жүйесі мекемесінде мастер, кейін бастығы болып қызмет атқарған. Содан соң Казталов аудандық әкімшілігінде энергия бақылау инспекторы болып 1999 жылдың аяғына дейін бір салада 27 жыл бойы аянбай жемісті еңбек еткен. Оның 1972-7983 жылдары Казталов аудандық электр жүйесі мекемесінде еңбек еткен кезде бұрын болмаған Қараоба, Қошанкөл ауылдық округтеріне электр жүйесін орнатып, аталған совхоздардың шаруашылығын дамытуға қосқан үлесі орасан зор.
Асылбек Нәсіпқали,
Казталов ауданы
zhaikpress.kz
