«Тазалық - табалдырықтан басталады» демекші қоршаған ортаның тазалығына жауапкершілікпен қарау - әрбір азаматтың басты міндеті. Ауыл тұрғындары арасында санитарлық тазарту, өз ауласын көркейту және көгалдандыру мақсатында сенбілік өтті.
«Барша ауыл тұрғындырына алғыс білдіремін. Бүгін ауданымыздың тазалығына біраз тұрғындар өз үйлерінің айналаларын жинастырып ауылымыздың тазалығына үлестерін қосты. Осындай көпшілік пен бітетін игі істер әлі де жалғасаады. Ауылдастар айналаларыңызды жинастырып көн-қоқыстарыңызды қаптарға салып көшелеріңізге шығарып қойып, хабарын берсеңіздер келіп өзіміз алып кетеміз. Ауданымызды, жалпы үйіміздің айналасын таза ұстайық. Барша аудан тұрғындарын сенбілікке бір кісідей ат салысып, ауданымыздың тазалығына өз үлестерін қосуға шақырамын», - дейді Тасқала ауылдық округінің әкімі Алғадай Жамбыл.
«Осындай сенбіліктер өткізілсе ауданымыз көркейе түсетініне сенімім мол. Әр тұрғын ауласын таза ұстаған жөн. Бәріміз жұмылып, қолымызға күрек пен сыпырғыш алып іске кіріскенде біраз жұмыс тындырылады. Барша тұрғындарды сенбілікке белсене қатысып тұруға шақырамын», - дейді ауыл тұрғыны Асылбек Мақсотов.
Айтып кетсек, тазалық айлығы аясында сенбілік екі ай жалғасады. Осыған орай сенбілікке әр бейсенбі сайын мекеме қызметкерлері жұмылдырылса, әр сенбі сайын тұрығындар аулаларының айналасын тазалайды. Бұл жұмыстарға үш тонналық тиегіш, бір камаз, МТЗ-80 трактор тіркемесімен, әкімшілік көлігі тіркемесімен, ауыл тұрғындары да тіркемелерімен барлығы 12 техника жұмылдырылған.
Болат Бек,
Тасқала ауданы
zhaikpress.kz
