«AMANAT» партиясы аудандық филиалы жанындағы партиялық бақылау комиссиясының мүшелері Переметный ауылында рейд жүргізді. Рейдке аудандық ТЖБ қызметкері, азаматтық қорғау лейтенанты Рамазан Саматов және Переметный ауылдық округі әкімінің орынбасары Бекзат Бадақов қатысты.
Партиялық бақылау комиссиясының мүшелері ауыл ішіндегі кәріз құдықтарын, балалар ойнайтын жерлерді және шомылу орындарын тексерді.
Рейд барысында бүлдіршіндерге қауіп төндіретін нысанның бірі ретінде «Бейбітшілік және келісім» саябағындағы кеңес заманы кезінен сақталған су мұнарасы анықталды. Балалар ойын алаңының есігі мен футбол қақпаларының да орнықтылығына мән берілді. Яғни рейд барысында анықталған олқылықтарға байланысты жедел кемшіліктерді түзету үшін құзырлы құрылымдарға хабарлама жіберілді.
Нұрсәуле Әбілпейсова,
Бәйтерек ауданы
zhaikpress.kz
