«Мектепке жол» акциясы 2018 жылдан бері ұйымдастырылып келеді. Қайырымдылық шарасы жыл сайын 1-30 тамыз аралығында өтеді. Акция аз қамтылған, көпбалалы отбасынан шыққан, асыраушысынан айырылған және ерекше білім беруді қажет ететін балаларды қолдауды көздейді.
Биыл қолдау жұмысы 1 тамыз бен 30 қыркүйек аралығында өтеді. Осы мақсатта ірі сауда орталықтарында мұқтаж жандарға көмек көрсету пункттері ашылады. Акция аясында балалардың құқықтарын қорғау комитетінің 77-25-28 жедел байланыс желісі іске қосылған. Бұдан бөлек балалардың құқықтарын қорғау жедел байланыс телефоны және «BALA QORǴAU» телеграмм чат боты арқылы жүргізіледі. Айта кеткен жөн, былтыр демеушілер мен меценаттардың белсенді қолдауының нәтижесінде 3 милииард 781 миллион теңгеге 204 мыңнан астам оқушыға көмек қөрсетілді, - деп хабарлады Оқу-ағарту вице-министрі Еділ Оспанов.
