Сырым ауданына қарасты Шағырлой ауылында "Қайсар" спорт клубының әдіскері Мәди Кенесаринның және спорт сүйер ауыл азаматтарының ұйымдастыруымен шағын футболдан аудандық ашық турнир ұйымдастырылды.
Шағын футбол додасына ауданның 11 командасы мен көршілес Қаратөбе ауданынан бір команда қатысты.
12 команда төрт топқа бөлініп тамаша ойын өрнегін көрсетті. Ойыншыларға түскі ас ұйымдастырылды. Финалда "Жымпиты", "Қособа", "Шағырлой", "Абай" командалары жүлделі орындарға таласты.
Ойын нәтижесінде, жүлделі ІІІ орынды Сарой ауылдық округінің оқушыларынан құралған "Шағырлой" командасы, ІІ орынды "Қособа", І орынды "Жымпиты" командалары иеленді.
"Жеңіске деген жігері үшін" аталымымен "Абай" командасы марапатталды.
Жүлдегерлер мен аталым иелеріне диплом және ақшалай сыйлықтар табысталды.
Әр командадан "Үздік қақпашы"," Үздік ойыншы", "Үздік қорғаушы", "Үздік шабуылшы" номинациялары бойынша үздіктер анықталды.
Футболға ауыл азаматтары мен “Қайсар” спорт клубы демеушілік етті.
Айжан Бауыржанқызы,
Сырым ауданы
zhaikpress.kzs.kz
