Жәнібек аудандық мәдениет үйінде «Ақбастау» жастар қоғамдық бірлестігі мен жастармен жұмыс жөніндегі ресурстық орталығының ұйымдастыруымен «Білімділер додасы» зияткерлік сайысы өтті.
Тартысты додада аудандық білім беру бөлімі, Т.Жароков атындағы мектеп, №1 мектеп-лицейі, мектептен тыс жұмыстар орталығының мұғалімдері, аудандық аурухана дәрігерлері, аудандық мәдениет үйінің өнерпаздары бақ сынады.
Сайып келгенде, жүлделі ІІІ орынды №1 мектеп-лицейі місе тұтып, ІІ орынды аудандық білім беру бөлімінің әдіскерлері еншіледі. Сайыстың жеңімпазы Т.Жароков атындағы мектептің ұстаздары атанды.
Жүлдегерлерге «Ақбастау» қоғамдық бірлестігі атынан бағалы сыйлықтар берілді.
Ақтілек Әлібекұлы,
Жәнібек ауданы
zhaikpress.kz
