Бұл туралы М. Маметова атындағы Орал халықаралық әуежайының баспасөз қызметінің маманы Айнагүл Сакпусунова хабарлады.
Бүгін БҚО-да ауа райы өте қолайсыз болып тұр. Түнде ұшқындаған қар, жаңбырмен араласып дала көктайғақ болып жатыр. Әрі тұман.
Осындай қолайсыз ауа райына байланысты түнде бірнеше бағытта тас жол да жабылған еді. Қазіргі уақытта осы қолайсыздыққа байланысты әуе рейстері де кешігіп жатыр.
- Ауа райының қолайсыздығына байланысты Орал - Астана бағытындағы 7366 рейсі кешіктірілді. Алматы - Орал бағытындағы әуе рейсі Ақтөбе әуежайына қонуға мәжбүр болды. Алматыдан ұшатын 881 әуе рейісі кешігіп жатыр. Ол рейс Оралға сағат 16:00 шамасында келеді деп күтіліп отыр. Сондай-ақ Алматыдан ұшатын 7165 әуе рейісі екі сағатқа кешіктіріліп жатыр, - деді Орал әуежайының баспасөз қызметкері Айнагүл Сакпусунова.
Жанат Көшкінбай,
zhaikpress.kz
