Күннің суығына қарамай Бостандық ауылындағы №224 сайлау учаскесіне келіп, болашақ округ әкімін сайлап жатқан сайлаушылардың қарасы қалың.
Бүгін сайлау учаскесіне Сармалаевтар отбасы келіп, таңдау жасады. Мұсабек ағамыздың отбасы елеулі күннен қалыс қалмай, сайлауға қатысты.
- Біз бүгін өз таңдауымызды жасадық. Бүгін сайлау әділ өтіп, елдің тізгінін лайықты азамат ұстайды деген сенімдеміз! - деді Асланбек Мұсабекұлы.
Сондай-ақ Бостандық ауылдық округіндегі №224 сайлау учаскесіне Ауған соғысының ардагері Темірбек Ғұбашев жолдасы Әлия апамызбен бірге келіп, дауыс берді. Ардагермен амандасып, әңгімеге тарттық.
- Бүгін округіміздің әкімін сайлап жатырмыз. Ауылдастарымыз елді дұрыс басқаратын, халық үшін аянбай қызмет атқаратын лайықты азаматты таңдайды деп сенемін. Ең бастысы – елде тыныштық болсын! - деп, ақжарма тілегін жолдады.
Нұр Рахман,
Казталов ауданы
zhaikpress.kz
