Кеше Жаңақала аудандық мәдениет, тілдерді дамыту, дене шынықтыру және спорт бөлімінің, Жаңақала аудандық «Jastar» спорт клубының ұйымдастыруымен ерлер арасында қазақтың ұлттық спорт түрлерінің бірі - асық ату мен үстел теннисінен Жаңақала ауданы лигасының ашылу салтанаты өтті.
Шара барысында барша жиналған қауым Қазақстан Республикасының мемлекеттік Туының құрметіне сапқа жиылып, Гимн орындады.
Ашылу салтанатына Жаңақала аудан әкімінің орынбасары Руслан Қонысбайұлы, ішкі саясат бөлімінің басшысы Азат Ранильұлы, аудандық мәдениет, тілдерді дамыту, дене шынықтыру және спорт бөлімінің бас маманы Ақерке Сансызбайқызы, аудандық «Jastar» спорт клубының директоры Жанболат Жасқайратұлы және аудан спортшылары, ауыл ардагерлері, ауылдық округ жастары мен мекеме қызметшілері қатысты.
Алғашқы сөз кезегі Руслан Ғұмарға беріліп, барша қатысушыға сәттілік пен жеңіс тіледі. Қазақ халқының дәстүрлі ойыны асық атудан лига сейсенбі күні, үстел теннисінің лигасы бейсенбі күні сағат 20:00 – 22:30 аралығында Жаңақала спорт кешенінде өтеді.
Ақерке Ғилымхан,
Жаңақала ауданы
zhaikpress.kz
