Казталов ауданында қызылшаға қарсы штаб отырысы өтті. Оған санитарлық-эпидемиологиялық бақылау басқармасының басшысы Талғат Хайдаров қатысып, аудандағы қызылша бойынша ахуал және жаппай иммундау жүргізу көрсеткіштері туралы баяндады.
Бүгінгі таңда өңірімізде қызылша ауруы өршіп тұр. Казталов ауданында жаңа жылдың бастап сегіз қызылша жағдайы тіркеліп отыр. Казталов ауылында – жеті, Қарасу ауылында бір жағдай тіркелді.
Қызылшаға күдікті бес жағдай зертханалық тексеріліп, жұмыс барысында үш жағдай зертханалық дәлелденді. Жас құрамы бойынша ауырғандардың негізгі бөлігін 14 жасқа дейінгі балалар 71% құраса, соның ішінде 1 жасқа дейінгі – бір бала, 1-4 жасқа дейінгі – үш бала, 5-9 жас аралығында – екі бала.
Егу статусы бойынша ауырғандардың жетеуі қызылшаға қарсы екпе алмаған және егу статусы белгісіз адамдар, соның ішінде екпеге қарсылық білдіргендер – үш бала (бір үйдің балалары), медициналық қарсы көрсеткіштер бойынша – бір бала, егу жасына жетпеген – бір бала және екі (ересек) адамның егу құжаты белгісіз.
Бір бала қызылшаға қарсы екпелерін алған (1 жас – 12.08.2015 ж, 6 жас – 23.11.2020ж).
Эпидемияға қарсы шараларды жүргізу кезінде 56 қарым-қатынаста болған адамдар анықталды. Оның ішінде шұғыл вакцинациялауға жататын адам анықталған жоқ. 6-10 ай 29 күн аралығында, жоспар бойынша – 296, егілгені – 171 бала (57,7%), соның ішінде Казталов РБ – 73, РБ – 98.
2-4 жас аралығында жоспарда – 1 602, егілгені – 1 347 (84,08%) құрады, соның ішінде:
– 2 жас, жоспар – 564, егілгені – 469 бала (83,1%)
– 3 жас, жоспар – 484, егілгені – 412 бала (85,1%)
– 4 жас, жоспар – 554, егілгені – 466 (84,1%).
Штаб отырысының соңында аудан әкімінің орынбасары жауаптыларға эпидемиямен күрес шараларын тиісті талаптарға сай атқарып, профилактикалық жұмыстарды күшейтуді тапсырды.
Гүлнұр Сәуірғалиқызы
Казталов ауданы
