Бүгін Жәнібекте аудан әкімінің орынбасары Мирболат Бисенов Қазақстан Республикасы Президентінің 2024 жылғы 20 маусымдағы № 582 Жарлығына сәйкес жәнібектік көпбалалы ана Әсемгүл Иманғалиеваға «Күміс алқа» мен куәлік табыстады.
Мирболат Бауыржанұлы ел демографиясына үлес қосып отырған көпбалалы ананың деніне саулық, отбасына амандық тіледі.
– Шаңырақтың шаттығы мен берекесін келтіріп, әр үйдің шамшырағы болып отырған аяулы аналардың қоғамдағы рөлі қашан да бөлек. Сізге ең бірінші сарқылмас саулық тілеймін. Ұрпағыңыздың қызығын көріңіз, - деді ол.
Өз кезегінде екі ұл, төрт қыз тәрбиелеп отырған Әсемгүл Асылбекқызы Мемлекет басшысына, аудан әкіміне алғысын білдірді.
Бану Берікқали
Жәнібек ауданы