Бәйтерек ауданы бойынша бүгінгі референдумда өз таңдауын жасаушылар қатары қалың. Шекара шебінде орналасқан Шалғай ауылындағы №167 референдум учаскесіне шекара күзеті қызметінде жүрген «Шалқар» шекара бекетінің 24 сарбазы келіп дауыс берді.
Араларында Данияр Қалабаев есімді сарбаз алғаш дауыс беруге келіп пікір білдірді.
«Қызметте жүрсек те, ел болашағы үшін таңдау жасар сәтте азаматтық ұстанымымызды білдірдік. Маңызды шешімді ел болып қабылдау үрдісі әлемде сирек болатын жағдай. Мен дауыс беру құқығымды осындай референдумда білдіргеніме қуаныштымын», - деген сарбаз ел тыныштығын тіледі.
Нұрлан Төлегенұлы
Бәйтерек ауданы
