Ауданда алақандай ауылда тұрып, алты Алаш еліне танылып жүрген белгілі адамдар тұратынын әркез мақтанышпен айтып жүреміз.
– Бүгін еліміз бойынша үлкен саяси науқан жүріп жатыр. Қазақстанның болашағын ойлаған әрбір адам ол науқаннан қалыс қалмауы керек. Мен де референдумға өз аяғыммен барып таңдауымды жасадым. Елімізде тарихи маңызы бар сәт туындағанда жайбарақат отыру азаматтыққа сын. Энергетикалық тәуелсіздік, экологиялық таза энергия және олардың тапшылығын жою, технологиялық даму арқылы жүзеге асырылатыны белгілі. Сондықтан осындай маңызы зор бастаманы елмен ақылдаса шешіп, референдум өткізіп отырған мемлекетіміздің осынау қадамын көп болып қолдап өз таңдауымызды жасағанымыз дұрыс деп есептеймін, - дейді Казталов ауданының Құрметті азаматы, Ақпәтер тарихи-өлкетану музейінің меңгерушісі Кәрім Тажмағанбетұлы Өтеғұлов.
Қыдыр Харсеұлы
Казталов ауданы
