«Өрт сөндірушілер бір адамды құтқарып, 12 адамды эвакуациялады», - деп хабарлады БҚО ТЖД-ның баспасөз қызметі.
Сурет: видеодан скрин
– Бүгін таңғы 09:14 минут шамасында Ақсай қаласында көпқабатты тұрғын үйдің төртінші қабатынан өрт шықты. Өрттің жалпы аумағы 60 шаршы метрді құрады. Жалынның шығу себептері анықталып жатыр. Құтқарылған адамды медицина мамандарына тапсырған, - деп мәлімдеді БҚО ТЖД баспасөз қызметі.
Бүгін желіде Ақсай қаласындағы көпқабатты үйден өрт шығып, балаларды жоғарыдан төменге лақтырып жатқан видео тарады. Тіпті бір баланы ұстай алмай қалғанын байқауға болады.
«Балаларды жоғарыдан лақтыру фактісі өрт сөндірушілер келгенге дейін болған оқиға», - деп атап өтті облыстық төтенше жағдайлар жөніндегі департаменттің баспасөз қызметі.
