Бүгін «Жәнібек» спорт клубында бокстан 2011, 2012, 2013, 2014 жылы туған және одан кіші жасөспірімдер арасында Жәнібек ауданының балалар-жасөспірімдер спорт мектебі мен Ресей Федерациясы Волгоград қаласының «Чемпион» спорт клубының жолдастық кездесу өтті.
Жарыс басталмас бұрын қатысушылар ортаға шақырылып, Мемлекеттік Гимн шырқалды.
«AMANAT» партиясы аудандық филиалының төрағасы Біржан Қуанәлиев жарыста бақ сынайтын спортшыларға сәттілік тілеп, бұл жолдастық кездесудің тек бәсеке ғана емес, достық байланысты арттыратын шара екенін айтып өтті.
Сонымен қатар ол дәстүрге сай келген қонақтарға шапан жапты.
Әрмен қарай Волгоград қалалық «Чемпион» спорт клубының басшысы Сергей Сергеевич:
«Ойында қарсылас болсаңыздар да өмірде дос болыңыздар. Достықты ту еткен жолдастық кездесулердің берері мол. Спорттың белгілі саласында шыңдалудан бөлек бұл алаңда жаңа достар, замандастар табуға болады. Достық көпірлерін көбейе берсін», - деп сәттілік тіледі.
Аудан әншілері Райымбек Нұрғалиев пен Жеңісбек Жүсіпов «Өз елім» әнімен жарыс шымылдығын ашты.
Тартысты ойында жарыс нәтижесі бойынша 28 келіде Бибарыс Исаев – І, Нұржан Балмұханов пен Абдурахман Әділбек – ІІ орыннан, 32 келі салмақта Мерейхан Қамит – І орыннан, 33 келі салмақ дәрежесінде Инсан Рахатұлы – І, Әли Сағидола – ІІ орыннан, 36 келіде Нұрислам Алпыс – І, Бекназ Қамидолла – ІІ орыннан, 38 келі салмақта Мансұр Абай – І, Ерсұлтан Талғат пен Алихан Наушыбай – ІІ орыннан, 40 келі салмақ дәрежесінде Әзизхан Қадыр мен Рахманжан Сапуан – І, Нұрдәулет Бейболат – ІІ орыннан, 42 келіде Диас Бекболат – І орыннан, 50 келі салмақта Эльдар Сағынғали мен Айдар Аяпов – І, Сәтжан Сағидолла – ІІ орыннан және 52 келі салмақ дәрежесінде Жарас Тастанов көрінді.
Былғары қолғап жеңімпаздарына арнайы сыйлықтар мен және медальдар табыс етілді.
Бұл шара жарысқа қатысушыларға достық пен ынтымақтастық нығайтуға үлкен септігін тигізді деген сенімдеміз.
Бану Берікқали
Фото: О.Өтеғалиев
Жәнібек ауданы
