8 қаңтарда Үкімет брифингінде ҚР Еңбек және халықты әлеуметтік қорғау министрі Светлана Жақыпова 2025 жылы халықты қолдауға қосымша 700 млрд теңге бөлінетінін айтты, деп хабарлайды Zakon.kz
Сурет: istockphoto.com
Оның айтуынша, әлеуметтік төлемдердің барлық түрлері инфляция деңгейіне 6,5%-ға, ынтымақты зейнетақылар 2%-ға және 8,5%-ға өседі.
"Биыл халықты қолдау үшін тек әлеуметтік төлемдерге, оның ішінде зейнетақы мен жәрдемақыға қосымша 700 млрд теңге қарастырылған. Бізде қосымша әлеуметтік қолдау бар, жергілікті атқарушы органдар тарапынан атаулы әлеуметтік көмек жалғасуда, тұрғын үй көмегі жалғасады. Тұрғын үймен қамтамасыз ету қарастырылады", – деді Светлана Жақыпова.
Бұған дейін Светлана Жақыпова декреттік демалыста жүрген қазақстандық аналардың есепшоттарына қаражат түскен кезде толық емес жұмыс күнінде жұмыс істеуіне байланысты мемлекеттік төлемдердің тоқтап қалғанына наразы болған шағымына жауап берді.
