ҚР Еңбек және халықты әлеуметтік қорғау министрлігінің хабарлауынша, 2027 жылдың 1 қаңтарынан бастап әлеуметтік қолдаудың кейбір түрлерін тағайындау тәртібі өзгереді.
Жаңа тәсілдің басты мақсаты — мемлекеттік көмекті ең алдымен өмірлік қиын жағдайға тап болған және шынымен мұқтаж отбасыларға бағыттау.
Төлемдерді тағайындау кезінде отбасының тұрмыс жағдайы мен кәмелетке толған барлық мүшесінің мәліметтері ескеріледі. Осылайша, әл-ауқаты жоғары «А» және «Б» санатындағы отбасыларға бұл төлемдер қарастырылмайды.
Сонымен қатар табысы жоғары азаматтар әлеуметтік қолдаудан өз еркімен бас тарта алады, ал үнемделген қаражат мұқтаж жандарға бөлінеді.
