Бәйтеректе баскетболдан 2005-2006 және 2007-2008 жылы туған қыздар арасында аудандық чемпионат өтті.
Аудандық дене шынықтыру-сауықтыру кешенінде өткен чемпионатқа аудан мектептерінен 8 команда қатысты.
Оның ішінде Белес мектебі, Қ.Аманжолов атындағы мектеп, Макаров мектебі, Переметный мектеьі, Үлкен Шаған мектебі, аудандық балалар-жасөспірімдер мектебі бар.
2005-2006 жылдары туғандардан 6 команда болса, кіші жастан 2 команда қатысып, тамаша ойын өрнегін көрсетті.
Айта кету керек, ойын топтарға бөлініп, айналма түрде өтті.
Чемпионат қорытындысында жалпы командалық есепте 2005-2006 жылдары туған қыздар арасында Переметный мектебінің командасы жеңімпаз атанды. Ал ІІ, ІІІ орындарды Батурин мектебі мен Макаров мектебінің командалары өзара бөлісті.
Ал 2007-2008 жылдары туған қыз балалар арасында І орынды Бәйтерек аудандық балалар-жасөспірімдер мектебі командасы иеленді.
Сонымен қатар кейбір ойыншыларды жақсы ойын көрсеткені үшін аталымдармен марапатталды.
Диляра Утегенова «Үздік қорғаушы» (Макаров мектебі), Салтанат Зулкарнаева (Батурин мектебі) «Үздік шабуылшы», Катя Королькова (Переметный мектебі) «Үздік ойыншы», Арина Королькова (Переметный мектебі) «Үздік шабуылшы», Ксения Чистякова (Переметный мектебі) «Үздік ойыншы» аталымымен марапатталды.
Жүлдегерлерге дипломдар салтанатты түрде табысталды.
Ертай Бимұханов
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
