Бүгін Бәйтерек ауданында облыс әкімі Ғали Есқалиевтің қатысуымен Бәйтерек ауданының әкімі Асхат Шахаровтың есептік кездесуі басталды.
Есептік кездесудің алдында өңір басшысы Калинин ауылынан салынған 2 қабатты 12 пәтерлік екі тұрғын үйдің ашылу рәсіміне қатысты.
Айта кету керек, мемлекеттік «Нұрлы жер» бағдарламасы аясында бой көтерген екі қабатты он екі пәтерлік тұрғын үй аудандағы көп балалы және әлеуметтік жағдайы төмен отбасыларға берілді.
Ғимараттың жалпы ауданы – 1576,6 шары метр. «Жалпақтал Су» ЖШС жүргізді. Жоба құны - 207 млн теңге. Құрылыс өткен жылдың 19 шілдесінен басталды.
Тапсырылған пəтерлердің ішінде 16 пəтер көп балалы отбасыға, 8 пəтер əлеуметтік жағдайы төмен отбасыға оның ішінде даму мүмкіндігі шектеулі жандарға берілді.
- Құрметті Бәйтерек ауданының тұрғындары! Мемлекеттік «Нұрлы жол» және «Нұрлы жер» бағдарламалары аясында жүзеге асырылған жұмысқа - ел куə. Тұрғын үй мәселесін шешу басым бағыттың бірі. Өткен жылдың қыркүйек айында аудан орталығы Переметный ауылында 23 бір қабатты бір пәтерлі тұрғын үйдің құрылысы аяқталып, 23 көп балалы отбасы қоныстойын тойлады.
Ал өткен жылдың көктемінде екі қабатты он екі пәтерлік екі үйдің құрылысы басталғандығы баршаға аян. Құрылыс жұмысы да аяқталды.
Қазіргі уақытта Дариян ауылында екі қабатты он екі пәтерлі үйдің құрылысына әзірленген жобалық-сметалық құжат дайын.
Бүгінгі қуанышты сəтте жаңа үйдің кілтіне ие болғалы тұрған барша отбасыларды қуаныштарымен құттықтаймын, - деді облыс әкімі Ғ.Есқалиев.
Одан соң облыс әкімі жаңадан салынған үйдің ішін аралап, «Қоныстой құтты болсын!» айтты.
Ертай Бимұханов
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
