Бүгін Батыс Қазақстан облысы білім басқармасының «Дарын» қосымша білім орталығында оқушылар арасында «Ақберен» өнер байқауы өтті.
Аталмыш байқаудың «Айтыс» бөлімінде Сырым ауданындағы Ж. Ерман атындағы айтыс мектебінің шәкірті Қоңдыкер Елеуов І орынға ие болды. Ол бірінші айналымда жәнібектік Мәдина Махметовамен, екінші айналымда теректілік Нұрдана Темірмен сөз сайыстырды. Қоңдыкер енді «Ақбереннің» республикалық кезеңіндегі айтысқа жолдама алды. Сырым ауданынан қатысқан өзге оқушылар да олжасыз қалған жоқ.
oznor
Сондай-ақ «Аспапта орындау» бөлімінде «Қозы Көрпеш - Баян сұлу» жырын жырлаған Сырым аудандық балалар саз мектебінің А. Ғұбайдуллин атындағы дәстүрлі ән сыныбының оқушысы Төлес Төлеген ІІ орынды еншілеп, ұстазы Дархан Қажығалиевтің мерейін тасытты. Ал Қадыр Мырза Әли атындағы мектеп оқушысы Дильназ Сүлейменова «Поэзия» сайысында ІІІ орыннан көрінсе, Сапарғали Айымжан, Аружан Иосифова және Ақниет Бітімғали сияқты шәкірттер байқауға белсене қатысқаны үшін марапатталды.
Бауыржан Ширмединұлы,
Сырым ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
