Осыдан жеті күн бұрын Бөкейордасы ауданы аумағында орын алған қылмыс туралы ақпарат тек бүгін ғана әлеуметтік желілерге жариялана бастады.
Аталған қылмыстық іс бойынша облыстық Полиция департаментінен ақпарат сұратқан едік.
- 2022 жылғы 29 тамызда сағат 13.00 уақыт шамасында Бөкей ордасы ауданының Пб-не 1964 жылы туған әйелдің мәйіті өзінің тұрғылықты жері бойынша табылғаны туралы хабарлама келіп түсті.
Аталған факті бойынша қылмыстық кодекстің 121-бабы 4-бөлігі бойынша сотқа дейінгі тергеу басталды.
Күдікті адамға қатысты сот 2 ай мерзімге күзетпен ұстау түріндегі бұлтартпау шарасына санкция берді, қажетті тергеу іс-әрекеттері жүргізілуде, тиісті сараптамалар тағайындалды.
ҚІЖК-нің 201-бабына сәйкес сотқа дейінгі тергеп-тексерудің қалған деректері жария етуге жатпайды, - деп мәлімдеді департаменттің баспасөз қызметі.
Орын алған қылмыс барысы мен тергеу нәтижелері туралы ақпараттар біздің басты назарда болады.
zhaikpress.kz
Фото дереккөзі: inform.kz
