Өңір басшысы Ғ.Есқалиев Қаратөбедегі жұмыс сапарында республикалық маңызы бар Самара–Шымкент автокөлік жолы бойындағы «Ақжол» автокешенінің жұмысымен танысты.
«Феруза» жеке кәсіпкерлігіне тиесілі «Ақжол» автокешенін аралаған
облыс әкімі автокешен жұмысына оң бағасын берді. Республикалық маңызы бар Самара-Шымкент автокөлік жолы бойынан «Ақжол» автокешені (автокемпинг) 2018 жылы салынған болатын. Автокешенде жаңа үлгіде қонақ бөлме, асхана залы бар. Шағын дүкен
жолаушыларға қызмет көрсетеді. Автокешенде 5 адам жұмыспен қамтылған. Облыс әкімі биыл автокешен жанынан құрылысы басталған монша-сауна ғимаратын да аралап
көрді. Қазіргі уақытта нысанның ішкі әрлеу жұмысы жүргізілуде. Нысанды 2023 жылы іске қосу жоспарлануда.
2020 жылы автокешен жанынан автокөлікке жанар-жағармай құю бекеті құрылысы басталып, биыл іске қосылған болатын. Жеке қаражат есебінен жоба құны 120 млн.теңге. Жаңадан 6 жұмыс орны ашылып, ауыл тұрғындары жұмыспен қамтылды. Жанар-жағармай бекетінің жұмысымен танысқан облыс басшысы Ғ.Есқалиев шаруасын дөңгелентіп отырған кәсіпкерлер көп болса жергілікті жердің көркейіп гүлденуіне зор септігі тиетіндігін айтып, кәсіпкердің жұмысына сәттілік тіледі.
Серікбай Хасанов,
Қаратөбе ауданы
zhaikpress.kz
10.05.2023, 14:45
1.08.2022, 9:00
28.07.2022, 15:00
26.07.2021, 23:26
