13.03.2023, 11:30
Оқылды: 5

Батысқазақстандық Арина Якубина БАӘ-да өткен олимпиадалық каратэнің күміс жүлдегері атанды

Ақпанның 20-24 күндері БАӘ-нің Фуджейра қаласында олимпиадалық каратэнің «WKF Karate1» жастар премьер лигасы өтті.

Арина (2)

Оған әлемнің 88 мемлекетінен 2500 спортшы қатысқан. Лигада Батыс Қазақстан облысынан 66 келі салмақ дәрежесінде, осыған дейін Азия Чемпионы атанып үлгерген Арина Якубина қатысты.

Арина (1)

 Арина жаттықтырушысы Ринат Мерғалиевпен

Ол Америка, Италия, Иран, Иорданияның спортшыларын жеңіп финалға шыққан. Финалда Египет спортшысына есе жіберіп күміс жүлдегер атанды.

Айта кетейік,  бұл облыс спортының тарихында тұңғыш жүлде.

- Арина Желтоқсанда Ташкентте өткен жарыста Азия чемпионы атанды. Биыл қаңтар айында Алматыда өткен оқу-жаттығу жиынына қатысты.  Ал ақпанда Бішкектегі халықаралық турнирге қатысып, алтынға ие болды. Осы турнирден кейін дайындықты күшейтіп, Фуджейрада бас сынадық, - дейді БҚО-ның аға жаттықтырушысы Ринат Мерғалиев.

zhaikpress.kz

Арина (3) Арина (4) Арина (5)

Узнайте первым о важных новостях Западного Казахстана на нашей странице
в Instagram и нашем Telegram - канале